Jańa jyl túni Aqtóbede 57 bala dúnıege keldi
AQTÓBE. QazAqparat - Jańa jyl túni Aqtóbede 34 er bala, 23 qyz dúnıege keldi. Jas analardy qala ákimi Іlııas Ispanov quttyqtap, syı taratty, dep habarlaıdy QazAqparat tilshisi.
Aqtóbedegi perzenthanalarda jańa jyl túni jumys toqtaǵan joq. Bir túnde 57 bala dúnıege keldi. Olardyń basym bóligi er bala. Búgin jas analardy qala ákimi Іlııas Ispanov quttyqtap bardy.
«Jańa jyl túni sábıli bolý meniń armanym edi. 31 jeltoqsan kúni men úıde merekege daıyndalyp, keıin kúıeýimmen perzenthanaǵa keldim. Qyzym túngi saǵat 2:00-de dúnıege keldi. Aman-saý balamdy baýyryma bastym. Sábıimniń salmaǵy 3 keli 100 gramm, boıy 50 sm»,- dedi jas ana Aıjan.
Jas analardy Aqtóbe qalasynyń ákimi Іlııas Ispanov quttyqtady. Ár otbasyǵa amandyq tilegen qala basshysy arnaıy syılyqtar úlestirdi.
«Aqtóbe oblysynda 34 er bala, 23 qyz ómirge keldi. Al Aqtóbe medıtsınalyq ortalyǵynda 9 er bala, 6 qyz dúnıe esigin ashty»,- dedi Aqtóbe oblystyq densaýlyq saqtaý basqarmasynyń basshysy Áset Qalıev.
