Jańa jyl túni Aqtóbede 21 qylmystyń izi sýymaı ashyldy
AQTÓBE. QazAqparat - Jańa jylda ІІD jeke quramy qaýipsizdikti qamtamasyz etý úshin kúzetti kúsheıtti. Barlyǵy 21 qylmystyń izi sýymaı ashyldy, dep habarlaıdy QazAqparat tilshisi.
Jańa jyl túni Aqtóbede 1700 polıtsııa qyzmetkeri kezekshilikke shyqty. Basym bóligi jańajyldyq kontsert uıymdastyrylǵan Tuńǵysh Prezıdent atyndaǵy ortalyq saıabaqta boldy.
«Jańa jyl túni qoǵamdyq oryndarda tártip qatań baqylaýǵa alyndy. Eshqandaı oqys oqıǵa bolǵan joq. Barlyq 21 qylmystyń izi sýymaı ashyldy. Basym bóligi urlyq pen buzaqylyq. Qazirgi kezde 1200 polıtsııa qyzmetkeri qoǵamdyq tártipti baqylap júr»,- dep habarlady oblystyq ІІD baspasóz qyzmeti.
Aıta keteıik, oblysta 323 ákimshilik quqyqbuzýshylyq tirkeldi. Basym bóligi jol júrý erejesin buzý, 8 júrgizýshi mas kúıinde rýlge otyrǵan. Al 19 adam qańǵybastar úıine jetkizildi.
