Jańa jyl túni Aqtaýda 22 sábı dúnıege keldi
AQTAÝ. QazAqparat - Jańa jyl túni Aqtaý qalasynda 22 sábı dúnıege keldi, dep habarlaıdy QazAqparat mangystaumedia.kz silteme jasap.
Mańǵystaý oblystyq densaýlyq saqtaý basqarmasynyń málismetinshe, sábıdiń 12-si oblystyq perınataldyq ortalyqta, 10-y Aqtaý qalalyq perzenthanasynda týǵan.
«Oblystyq perınataldyq ortalyǵynda 12 bóbek dúnıege keldi. 2018 jyl egizdiń dúnıege kelýimen jabyldy. Al 2019 jyly alǵash bolyp qyz bala dúnıege keldi. Onyń salmaǵy 2900 g, boıy 51 sm», - dep málimdedi basqarmanyń baspasóz hatshysy Azamat Sársenbaev.
Al 1 shaǵynaýdandaǵy Aqtaý qalalyq perzenthanasynda jańa jyl túni 10 səbı ómirge keldi. Olardyń 5-ýi - qyz, 5-ýi - ul. Bosanǵan ana men balalardyń jaǵdaıy turaqty. Medıtsına qyzmetkerleriniń jiti baqylaýynda.
Aıta keterligi, jańa jyl túni oblystyq aýrýhanaǵa 69 adam kómekke júgingen. Onyń ekeýi - petardanyń jarylýynan zardap shekken. Olarǵa kómek kórsetilgen soń úılerine qaıtarylǵan.
