Jańa jyl merekesine baılanysty qandaı poıyzdarǵa qosymsha vagondar tirkeledi

NUR-SULTAN. QazAqparat – Qazaqstannyń temir jol salasy Jańa jyl merekesine oraı jolaýshylar tasymalynyń aǵynyna daıyndalýda, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.

Onaǵy málimetterge qaraǵanda, qazirgi ýaqytta Qazaqstanda qoldanystaǵy 156 jup jolaýshylar poıyzynyń 117-si qatynaýda. Shekteýler koronavırýs ınfektsııasynyń taralýyna jol bermeý úshin qabyldanǵan sheshimderge baılanysty.

Alaıda, 2020 jylǵy 26 jeltoqsannan bastap, 2021 jylǵy 5 qańtar aralyǵyndaǵy jańa jyldyq kezeńde jolaýshylardy tasymaldaý úshin 704 qosymsha vagon tirkemesi qamtamasyz etiledi. Osylaısha, 30 myńǵa jýyq jolaýshyny qosymsha qamtý josparlanýda.

Vagondar kelesi baǵyttar boıynsha poıyzdarǵa qosylady:

1) Nur-Sultan – Almaty, Mańǵystaý, Atyraý, Saryaǵash, Arqalyq, Semeı, Petropavl jáne Pavlodar;

2) Almaty – Aqtóbe, Atyraý, Mańǵystaý, Saryaǵash, Óskemen, Jezqazǵan jáne Oral;

3) Pavlodar-Presnogorkovskaıa;

4) Qyzylorda-Semeı;

5) Aqtóbe-Atyraý.

«QR Indýstrııa jáne ınfraqurylymdyq damý mınıstrligi tasymaldaýshylarǵa saqtyq sharalaryn múltiksiz saqtaý jóninde nusqaýlar berdi»,-delingen habarlamada.