Jańa jyl merekesinde kún jyly bolady
NUR-SULTAN. QazAqparat - «Qazgıdromet» 2019 jylǵy 31 jeltoqsan - 2020 jylǵy 5 qańtar aralyǵyna arnalǵan aýa raıy boljamyn jarııalady, dep habarlaıdy QazAqparat.
Atlantıkadan jáne Jerorta teńizinen yǵysatyn atmosferalyq fronttardyń áserinen qar jaýyp, boran soǵady. Batystan ekpindi jel turady.
Sonymen qatar respýblıkamyzdyń ońtústik oblystarynda kóktaıǵaq bolady, degenmen aýa temperatýrasy tómendemeıdi.
Jańa jyl túninde soltústik, ortalyq jáne shyǵys óńirlerde aýa temperatýrasy joǵarylap, kúndiz kóptegen aımaqtarda 0 -8 gradýs aıaz kútiledi. Ońtústikte 0-10 gradýs jyly bolady.
