Jańa jyl merekesi kúnderi Astanada qoǵamdyq tártipti 1 myńnan astam polıtseı qadaǵalaıdy
ASTANA. 28 jeltoqsan. QazAqparat - Astana gornızonynyń jeke quramy 2012 jyldyń 30 jeltoqsany men 2013 jyldyń 3 qańtary aralyǵynda
Jańa jyldyq merekeler kezinde qoǵamdyq tártip pen azamattardyń qaýipsizdigin qamtamasyz etý úshin kúsheıtilgen qyzmet kórsetý rejimine kóshiriledi, dep habarlady qalalyq ІІD baspasóz qyzmetinen.
Departamenttiń atap ótýinshe, jańa jyldyq sharalar ótetin oryndar polıtseılerdiń jiti qadaǵalaýyna alynyp, kúni-túni kezekshilik engiziledi. Qoǵamdyq tártipti qamtamsyz etýge myńnan astam polıtsııa qyzmetkeri, 200 kólik jáne 110-nan astam áskerı qyzmetshi tartylǵan.
Qala mektepterinde jańa jyldyq sharalar ótkizý barysynda da qoǵamdyq tártipti qamtamasyz etýge erekshe kóńil bólinýde. Osy maqsatta mektep ınspektorlarynyń kezekshiligi uıymdastyrylǵan.
Sondaı-aq shyrshalardy zańsyz otaýǵa, olardy satýǵa jol bermeý maqsatynda quramynda tabıǵat qorǵaý qyzmetkerleri, jol polıtsııasy, ýchaskelik ınspektorlar bar utqyr toptar qurylyp, kúni-túni reıdtik sharalar júrgizilýde. Shyrshalardy «Vstrecha», «Gúljan», «Molodejnyı», «Orbıta», «Astyqjan», «Azat» saýda úıleri, Ortalyq bazar, «Shanhaı», «Sharyn», «Saryarqa», «Sálem», «Saıanur», «Etalon», «Qamqor» bazarlary mańynan satyp alýǵa bolady.
