Jańa jyl merekesi kúnderi Almaty qalasy polıtsııa qyzmeti kúsheıtilgen rejimde jumys isteıtin bolady
ALMATY. 30 jeltoqsan. QazAqparat /Názıra Eleýhan/ - Jańa jyl merekesi kúnderi Almaty qalasy polıtsııa qyzmeti kúsheıtilgen rejimge kóshetin bolady.
Bul týraly Almaty qalasynyń ІІD-niń baspasóz qyzmetiniń basshysy Saltanat Ázirbek málim etti.
Onyń aıtýynsha, mereke kúnderi polıtsııa ásirese, adamdar kóp shoǵyrlanatyn alańdar, saıabaqtar, klýbtar men skverler syndy qoǵamdyq oryndarǵa basa nazar aýdaratyn bolady.
«Bunyń barlyǵy eń aldymen turǵyndardyń merekeni oıdaǵydaı, esh keleńsiz oqıǵasyz jaqsy ótkizý úshin jasalady»,-dedi S. Ázirbek.
