Jańa jyl merekesi qarsańynda elimizdegi áýe kompanııalar reıster sanyn kóbeıtti
ASTANA. QazAqparat - Jańa jyl merekesi aldynda jáne mereke kúnderi qazaqstandyq áýe kompanııalary ishki jáne syrtqy baǵyttar boıynsha reısterdiń sanyn kóbeıtip otyr, dep habarlaıdy QazAqparat QR IDM Azamattyq avıatsııa komıtetine silteme jasap.
Osylaısha, «Eır Astana» áýe kompanııasy kelesi qosymsha reısterdi uıymdastyrdy:
Іshki reıster: Astana - Óskemen - Astana, Astana - Shymkent - Astana, Almaty - Astana - Almaty, Almaty - Aqtaý - Almaty, Almaty - Shymkent - Almaty.
Halyqaralyq reıster: Astana - Bangkok - Astana.
Al «SCAT» áýe kompanııasy kelesi qosymsha ishki reısterdi uıymdastyrdy:
Almaty - Petropavl - Almaty, Almaty - Aqtaý - Almaty, Aqtaý - Almaty - Aqtaý, Astana - Aqtaý - Astana, Astana - Taldyqorǵan - Astana.
Komıtettiń málimetinshe, azamattyq avıatsııa salasynda bıylǵy jyly ósimniń jaqsy qarqyny saqtalyp otyr. Osylaısha, 2018 jyldyń 11 aıynda Qazaqstan áýe kompanııalary 7,3 mln adamdy tasymaldaǵan. Bul 2017 jyldyń osyndaı kezeńimen salystyrǵanda 7 paıyzǵa (6,8 mln. adam) kóp.
Aǵymdaǵy jyldyń qańtar-qarashasynda tranzıttik áýe jolaýshylarynyń sany 810 myń adamdy quraǵan, bul ótken jylǵy kórsetkishten 40 paıyz kóp (2017 j. - 578 myń). Jyl sońyna deıin tranzıttik áýe jolaýshylary sanynyń 900 myń adamǵa jetetini kútilip otyr.
