Jańa jyl: Mańǵystaýda sottalýshy kishkentaı qyzyna óz qolymen syılyq jasady
Túzetý mekemesinde jazasyn ótep júrgen ol 4 jyldyń ishinde jıhaz jasaýdy úırengen. Bul týraly Qylmystyq atqarý júıesi komıtetiniń Mańǵystaý oblysy boıynsha qylmystyq-atqarý júıesi departamentiniń baspasóz qyzmeti habarlady.
Jańa jyl qarsańynda Ámir jalaqysynan jınalǵan aqshaǵa qajetti materıaldardy satyp alyp, tseh basshysyna qyzyna jańa jyldyq syılyq jasaǵysy keletinin aıtady.
Onyń bul ıdeıasyn tsehtaǵy áriptesteri men basshylyǵy qoldady. Sóıtip oǵan syılyq daıyndaý úshin múmkindik jasady.
Túrme basshylyǵy balaǵa ákesiniń syılyǵyn jetkizýge kómektesti. Mekeme ákimshiligi sottalýshynyń qyzymen beınekezdesýin de uıymdastyryp berdi
«Sottalǵandardy jumysqa ornalastyrý, olardy jumysqa beıimdeý - mańyzdy elementterdiń biri. Munda sottalǵandar qajetti daǵdylardy meńgerip, kez kelgen mamandyqty ıgerip qana qoımaı, mańyzdy qarjylyq sheshimder qabyldaı alady. Olar aqshasynyń bir bóligin talap-aryzdy óteýge jumsaıdy, odan qalǵanyna ıelik etý - olardyń quqyǵy men tańdaýy. Kóptegen sottalýshy qarajatty otbasynyń qajetine paıdalanady», - deıdi QAJD bastyǵynyń orynbasary, ádilet podpolkovnıgi Qanat Jarylǵapov.