Jańa jyl kezinde jarty mıllıonnan astam jolaýshy temirjol arqyly tasymaldandy - QTJ

ASTANA. QazAqparat - Bıylǵy jyldyń qańtarynan bastap aýa raıynyń kúrt nasharlaýyna, ıaǵnı kóktaıǵaq pen burqasyn jelge baılanysty birneshe jolarnalarda qozǵalys toqtady. «Astana-Kókshetaý», «Astana-Qaraǵandy» jolarnalary jabyldy. Qar tutqynynda júzdegen adam qaldy, dep habarlaıdy «Qazaqstan temir joly» UK» AQ baspasóz qyzmeti.

Aýa raıynyń ekstremaldy jaǵdaıynda adamdardy jetkizýdi poıyzdar qamtamasyz etti. Elektropoıyzǵa degen suranys ósti. Jolaýshylardyń arasynda balalar, áıelder, sonymen qatar qart adamdardyń sany az bolmady.

Eselep jaýǵan qar men qatty jelge qaramastan, temirjol qyzmeti birqalypty jumys istedi. Bıylǵy jyldyń 4 qańtarynda «Kókshetaý-Ereımentaý» elektropoıyzymen 300-den astam, onyń 82-si - Kókshetaý, 91-i - Býrabaı, 52-si - Makınka, 24-i - Aqkól, 61-i - basqa da stantsııalardan jetkizildi. «Qaraǵandy-Astana» baǵytymen júzdegen adam jetkizildi.

Mereke qarsańynda jáne mereke kúnderi jarty mıllıonnan astam adam, onyń 100 myńy Astanadan, tasymaldandy.

Poıyzdardyń tolassyz qozǵalysyn qamtamasyz etý úshin qosymsha 6 poıyz qosylyp, 500-den astam jolaýshy poıyzdarǵa qosymsha vagondar tirkeldi. Qazirgi ýaqytta tek qana soltústik aımaqta 1 táýlikte 70-80 qosymsha vagondar poıyzdarǵa tirkelip jatyr. 

2016 jyl ishinde temirjol kóligimen 20 mln. jolaýshy tasymaldandy.