Jańa jyl qazaqstandyq sportshynyń jeńisimen bastaldy
ASTANA. 6 qańtar. QazAqparat - Elimiz úshin jańa jyl jeńispen bastaldy. Slovakııanyń Bratıslava qalasynda 3-6 qańtar aralyǵynda mánerlep syrǵanaýdan «Slovakııanyń Jańa jyldyq Kýbogy» atty halyqaralyq týrnır ótti. Baıraqty básekede 15 eldiń mánerlep syrǵanaýshylary qatysyp, jerlesimiz jeńispen oraldy.
Bul týraly Baq.kz habarlady.
Osyǵan deıin jasóspirimder arasynda synǵa túsip kelgen qyzylordalyq Elızabet Tursynbaeva Bratıslavada alǵash ret jastar arasynda dodaǵa tústi. Soǵan qaramastan Elızabet ádemi oıyn-órnegin kórsetip, jarys jeńimpazy atandy. El abyroıyn asqaqtatyp, kók týymyzdy kókke kótergen jerlesimiz osy básekede Qazaqstannyń namysyn qorǵaǵan jalǵyz mánerlep syrǵanaýshy. Endi Elızabet naýryz aıynda Bolgarııada bolatyn jasóspirimder arasyndaǵy Álem chempıonatyna jáne Álemdik Gran-prı dodasyna qatysýdy kózdep otyr.
