Jańa jyl qarsańynda temir jol bıletin ınternet arqyly satyp alsańyz, jetkizý qyzmeti - tegin
ASTANA. 27 jeltoqsan. QazAqparat. 2010 jylǵy 25-31 jeltoqsan aralyǵynda «Jolaýshylar tasymaly» AQ jańajyldyq aktsııa jarııalady. Temir jol bıletine ınternet arqyly tapsyrys bergen klıentterge bıletterdi aparyp berý qyzmeti tegin júzege asyrylady,
dep habarlaıdy Kólik jáne kommýnıkatsııa mınıstrliginiń baspasóz qyzmeti. Bıletterdi www.railways.kz , www.temirzholy.kz , www.pcentre.kz saıttary arqyly satyp alýǵa bolady. Jetkizý qyzmetiniń baılanys telefondary: Astanada - (7172) 94-22-12; 94-31-46, Almatyda - (727) 296-11-36.
Esterińizge sala keteıik, «Jolaýshylar tasymaly» AQ 2010 jylǵy 20 shildede ınternet arqyly temir jol bıletin satyp alǵan jolaýshylarǵa bıletterdi aparyp berý aqyly qyzmetin engizgen bolatyn.
Temir jol bıletterin kýrer qala ishindegi turǵyn úılerge, keńseler men qonaq úılerge jetkizedi. Jańa qyzmet túri jumys kúnderinde júzege asyrylady.
Internet arqyly bıletterge táýlik boıy tapsyrys berýge bolady, al olar dúısenbiden jumaǵa deıin saǵat 11.00-den 19.00-ge deıin jetkiziledi.
Qolma-qol aparyp berý qyzmetine tapsyrys kúndelikti saǵat 9.00-dan 21.00-ge deıin kem degende bir táýlik buryn berilýi tıis. Bıletter poıyz keterge keminde 6 saǵat qalǵanda jetkiziledi.
Jolaýshy túbirtekte kórsetilgen somany qolma-qol tólegennen keıin, kýrer bıletti onyń qolyn qoıdyrtyp tapsyrady.
