Jańa jyl qarsańynda Tarazda 70 páterli eki úı paıdalanýǵa berildi
JAMBYL OBLYSY. 4 qańtar. QazAqparat /Galına Skrıpnık/ - Jańa jyl qarsańynda Taraz qalasyndaǵy «Báıterek» shaǵynaýdanynda soǵys jáne eńbek ardagerleri, múgedekter men kóp balaly otbasylarǵa arnalǵan 70 páterli eki úı paıdalanýǵa berildi, dep habarlaıdy aımaq basshysynyń baspasóz qyzmeti.
Jambyl oblysynyń ákimi Qanat Bozymbaev jańa qonysqa ıe bolǵan bes adamǵa páter kiltterin tabys etip, olardy merekelerimen quttyqtady jáne jańa jylda jaqsylyq tiledi.
Quny 275,7 mln. teńge bolatyn 70 páterli eki úıdiń qurylysyn memlekettik turǵyn úı baǵdarlamasyn júzege asyrý aıasynda «Jambylhımqurylysınjınırıng» JShS júrgizgen.
Qala ákimdiginiń baspasóz qyzmeti habarlaǵandaı, qazirgi tańda Taraz qalasynda úı alý úshin 3 281 adam kezekte tur.
