Jańa jyl qarsańynda elorda polıtseıleri 1,5 myńnan astam pırotehnıkalyq ónim tárkiledi
NUR-SULTAN. QazAqparat - Jańa jyl merekesi qarsańynda elorda polıtseıleri 1,5 myńnan astam pırotehnıkalyq ónim tárkiledi, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.
Baspasóz málimetterine qaraǵanda, bıylǵy jyldyń 15 jeltqsanynan bastap, pırotehnıkalyq ónimderdiń zańsyz saýdasyn anyqtaý men onyń jolyn kesýge baǵyttalǵan saýyqtyrý sharasy ótip jatyr. Nur-Sultan qalasynyń tártip saqshylary tótenshe jaǵdaılar salasynyń qyzmetkerlerimen birlesip, qaladaǵy bazarlar, saýda úıleri, sýpermarketter men sanktsııalanbaǵan, alaıda pırotehnıka satylýy múmkin oryndarǵa reıd júrgizdi. Іs-sharanyń nátıjesi boıynsha 1438 pırotehnıkalyq ónim tárkilendi.
Nur-Sultan qalasynyń Polıtsııa departamenti pırotehnıkalyq ónimderdi arnaıy belgilenbegen oryndardan satyp almaýǵa jáne olardy qoldaný erejesin qatań qadaǵalaýǵa keńes beredi.
«Pırotehnıka talapqa saı saqtalmasa nemese qoldanylmasa jáne ony qoldaný kezinde órt qaýipsizdigi saqtalmasa, adamdar ómirine qaýip tónedi»,-delingen habarlamada.
