Jańa jyl qarsańynda Dýbaı qonaq úıinde shyqqan órt 40 qabatty jalmady
ASTANA. QazAqparat - Dýbaıdaǵy Address Downtown qonaq úıinde shyqqan órt 64 qabatty ǵımarattyń 40 qabatyn jalmady, dedi Dýbaı azamattyq qorǵanys basshysy Rashıd Thanı ál-Matrýshı.
31 jeltoqsanda jergilikti ýaqytpen saǵat 21:30-da, boljam boıynsha, 20-shy qabatta órt shyǵyp, ǵımarattyń shatyryna deıin sharpyǵan. Tilsiz jaýdy aýyzdyqtaý úshin 14 saǵat ketti, dep atap ótti ál-Matrýshı.
Onyń sózine qaraǵanda, qatty jel jalyndy sóndirýge kedergi keltirdi. Órtpen bes brıgadanyń qutqarýshylary arpalysty. Olardyń tórteýi oqıǵa ornynda bolǵan, óıtkeni bul aýdanda Jańa jylda qalalyq otshashý bolady. Kýágerlerdiń sózine qaraǵanda, adamdar ǵımarattan qaýpsiz jerge jyldam shyǵaryldy, dep jazdy RIA Novostı.
Dýbaı polıtsııasynyń basshysy Hamıs Matar ál-Mazeın aıtqandaı, 14 adam azdap japa shekti.
