Jańa jyl qarsańynda Astana bazarlarynda kókónis arzan baǵaǵa satylady
ASTANA. QazAqparat - Jańa jyl merekesi qarsańynda Astana qalasyndaǵy eki bólshek saýda oryndarynda turaqtandyrý qorynyń kókónisterin arzan baǵaǵa satyp alýǵa bolady, dep habarlaıdy QazAqparat qala ákimdiginiń saıtynaa silteme jasap.
Ákimdiktiń málimetinshe, qazirgi ýaqytta azyq-túlik turaqtandyrý qorynda shamamen 1,3 myń tonna ónim bar. Atalmysh qorǵa Memleket basshysynyń Óńiraralyq kooperatsııany damytý jónindegi tapsyrmasyn oryndaý aıasynda Pavlodar oblysynyń óndirýshileri 2 myń tonna kókónis ónimderin jetkizgen.
Ótken aptada elordaǵa aýyl sharýashylyq ónimderi bar alǵashqy kerýen jóneltilgen. Elordaǵa 40 tonna sábiz ben kartop jetkizildi. Qazirgi ýaqytta ónimder eki bólshek saýda oryndarynda - «Shapaǵat» jáne «Úlken Shanhaı» bazarlarynda satylady.
«Saýda oryndary tegin usynylady. Qala naryǵyn tolyq qamtý úshin ónimdi bazarlar jáne dúkender jelilerine jetkizýdi de qarastyramyz. Jańa jyl aldyndaǵy baǵany retteý úshin qııar men qyzanaqtar kommýnaldyq bazarda satylady. Qııar men qyzanaqty «Shapaǵat» bazarynan 10% ústememen satyp alýǵa bolady», - delingen habarlamada.
Komıssııa kartoptyń bólshek baǵasyn kelisine 60 teńge jáne sábizdiń kelisin 55 teńgege bekitti. Sondaı-aq, qant turaqtandyrý qorynyń baǵasy tómendeıdi, kóterme saýda baǵasy - 215 tg/kg, bólshek saýda - 230 tg/kg.
