Jańa jyl qarsańynda Anglııada «Bolashaq» stıpendıattary qaıyrymdylyq sharasyn uıymdastyrdy

ASTANA. 28 jeltoqsan. QazAqparat - Jańa jyl qarsańynda Shyǵys Anglııa ýnıversıtetinde «Bolashaq» halyqaralyq stıpendııasynyń stıpendıattary taıfýnnan zardap shekken Fılıppın balalaryna kómek retinde qaıyrymdylyq aktsııasyn ótkizdi.

Osy sharaǵa qatysqan stıpendıattardyń biri Qanat Áýesbaıdyń sózine qaraǵanda, shara barysynda balalar óz qoldarymen qazaqtyń dástúrli taǵamdaryn ázirlegen.

Aktsııaǵa kelýshiler ony uıymdastyrýshylardyń qonaqjaılyǵyn baǵalaı aldy. Olar baýyrsaq, samsa, quımaq jáne basqa da dámdi taǵamdarǵa toly dastarhannan dám tatty. Ýnıversıtette oqıtyn sheteldik stýdentter, oqytýshylar, sonymen birge qyzmetkerler de uıymdastyrýshylarǵa qoldaý bildirdi.

Aktsııa qorytyndysy boıynsha, 200 fýnt sterlıngten astam aqsha jınaldy. Qarajat Fılıppınniń balalarǵa kómek kórsetý qoryna aýdaryldy.