Jańa jyl qarsańynda álemniń 7 mln-nan astam búldirshini Santa Klaýsqa hat joldady
ASTANA. QazAqparat - Bıyl álem boıynsha 7 mln-nan astam bala Santa Klaýstyń atyna hat joldady, dep habarlaıdy Búkilálemdik poshta odaǵynan.
Sábılerdiń arman-tilekterin oryndaýdy suraǵan hattar Kanada jáne Frantsııanyń poshta bólimderinde rekordtyq kórsetkishke jetedi dep kútilýde. Ótken jyly osy eldiń árqaısysynda 1 mln-nan astam bala ózderiniń merekelik tapsyrystaryn poshta arqyly jibergen.
Kóptegen elderde az qamtylǵan otbasylardaǵy balalarǵa Santadan syılyq tapsyrýdy kózdeıtin áleýmettik baǵdarlamalar bar. Máselen, Portýgalııada balalardyń hattary arnaıy veb-saıtqa ornalastyrylady, osylaısha, kez-kelgen adam olardyń kishkentaı armanyn oryndaı alady. Balalar kóbine oıynshyqty qalaıdy, alaıda sońǵy kezderi kıim-keshek, úı janýarlaryn, sonymen qatar ini-qaryndastarynyń bolýyn suraıtyndardyń qatary artýda.
Azııalyq balalar densaýlyq pen baqyt tileıdi eken. Oıynshyqtar - kóbine eýropalyq balalardyń suranysy. Al AQSh-ta «Santaǵa hat» arnaıy baǵdarlamasyna 20-dan astam poshta bólimsheleri atsalysady, dep jazady BELTA.
