Jańa jyl qarsańynda 30 myńǵa jýyq polıtseı elimizdiń kóshelerin kúzetti
NUR-SULTAN. QazAqparat - Іshki ister mınıstri Erlan Turǵymbaev jańa jyl qarsańynda astanalyq garnızonnyń bólimshelerimen júrip ótip, olardyń qyzmet atqarýyn jáne jol qaýipsizdigin tekserdi. Bul týraly QazAqparat QR ІІM baspasóz qyzmetine silteme jasap habarlaıdy.
«Eldegi jaǵdaı turaqty. Búginde 30 myńǵa jýyq polıtseı men Ulttyq ulannyń áskerı qyzmetshileri elimizdiń kóshelerinde qyzmet etip, azamattarymyzdyń qaýipsizdigin qamtamasyz etýde», - dep atap ótti vedomstvo basshysy.
Búginde Nur-Sultan qalasynyń kóshelerinde bir jarym myń qyzmetker jumys isteýde. Jedel basqarý ortalyǵy qaladaǵy jaǵdaıdy baqylaýdy qamtamasyz etedi. Narıadtar kelip túsken barlyq habarlamalarǵa jedel jaýap beredi. Qazirgi ýaqytta myńǵa jýyq qońyraý kelip túsken, olardyń basym bóligi ákimshilik quqyq buzýshylyqtar týraly (tynyshtyqty buzý, otbasylyq janjaldar, qaraýsyz qalǵan zattar jáne shaǵyn jol-kólik oqıǵalary).
Erlan Turǵymbaev jańa jyl qarsańynda qyzmet atqaryp jatqan polıtsııa qyzmetkerlerin merekemen quttyqtap, azamattardyń tynyshtyǵy kezekshi narıadtardyń jumysyna baılanysty ekenin atap ótti.
Sondaı-aq, barlyq qazaqstandyqtarǵa zor densaýlyq, baqyt tilep, Іshki ister mınıstrligi árdaıym azamattardyń qaýipsizdigin qamtamasyz etetinin aıtty.
