Jańa jyl qarsańynda 1,5 myń astanalyq polıtseı kúsheıtilgen tártipke kóshedi
ASTANA. 23 jeltoqsan. QazAqparat - Jańa jyl qarsańynda 1,5 myń astanalyq polıtseı kúsheıtilgen tártipke kóshedi. Bul týraly búgin Astana qalasy Іshki ister departamenti Ákimshilik polıtsııa basqarmasynyń bastyǵy Baqytjan Malybaev málim etti.
«Alda kele jatqan jańa jyldyq is-sharalar qarsańynda qoǵamdyq tártip pen jol qaýipsizdigin qamtamasyz etý jáne qylmystar men quqyq buzýshylyqtardy eskertý men jolyn kesý úshin 2013 jyldyń 23 men 27 jeltoqsany aralyǵynda keń aýqymdy «Quqyqtyq tártip» jedel-profılaktıkalyq is-sharasy ótkiziledi», - dedi ol brıfıng barysynda.
Onyń aıtýynsha, is-sharany ótkizýge elorda garnızonynyń jeke quramy, ishki áskerlerdiń áskerı qyzmetkerleri qatysady
«Quqyqtyq tártipti» ótkizýge shamamen 1,5 qyzmetker men 160 avtokólik jumyldyrylady.
Elorda garnızonynyń jeke quramy qyzmet atqarýdyń kúsheıtilgen tártibine aýystyrylady.
«Quqyqtyq tártip» barysynda azamattardyń jappaıy shoǵyrlaný jáne demalý oryndarynda, sonymen qatar, kóshe qylmystaryn jasaýdyń jolyn kesý men eskertý is-sharalary júzege asyrylady», - dep atap ótti B.Malybaev.
Sonymen qatar 31 jeltoqsan men 2 qańtar aralyǵynda polıtsııa qyzmetkerleri 8 saǵattan emes, 12 saǵattan qyzmet babynda bolady.
Іs-sharany ótkizý kezinde Departamenttiń jedel qyzmetterimen jekelegen josparlar boıynsha sharalar ótkizilmek. Ýchaskelik polıtsııa ınspektorlarymen ákimshilik aýmaqtaryn profılaktıkalyq aralaý, esepte turatyn tulǵalardy tekserý, qarý ıelerin tekserý kúsheıtiledi. Jol-patrýldik polıtsııa jasaqshalarymen jol qozǵalysyna jáne jol qaýipsizdigin qamtamasyz etýge baqylaý jasaý qarqyndatylady.
