Jańa jyl «Habar» arnasymen birge! (FOTO)
ASTANA. QazAqparat - «Habar» Jańa jyldyq merekege oraı barlyq jastaǵy kórermenge unaıtyn birneshe oıyn-saýyq jobasyn daıyndady. Olardyń ishinde mıýzıkl, fılm-kontsert, erekshe sport premııasy jáne kórermenderge unap qalǵan baǵdarlamalardyń jańa jyldyq shyǵarylymdary da bar, dep habarlady telearnanyń baspasóz qyzmeti.
31 jeltoqsanda saǵat 1 9.00 -de «Syılyq» («Podarok») mýzykalyq fılminiń kórsetilimi bolady . Sıýjet jańa jyldyq keshtiń qarsańynda astanalyq dámhanalardyń birinde órbıdi. Keıipkerler - mekemeniń qyzmetkerleri: menmensigen qojaıyn, ózin bárinen ádemi sanaıtyn ákimshi qyz, bilgish barmen, kúıgelek aspaz, kirpııaz daıashy, oırandaýshy kúzetshi, kishipeıil aýla sypyrýshy jáne súıiktisi jańa jyldy birge qarsy alýdan bas tartqan qaıǵyly klıent. Keıipkerlerdiń detektıvti tarıhyna olardyń ózderi oryndaǵan mýzykalyq nómirler qosylady. Jobanyń rejısserleri - Almas Satkenov jáne Ǵalymjan Baıazıtov. Fılmde ketkeli turǵan jyldyń tanymal akterler, shoý-bıznes juldyzdary jáne «Habar» agenttiginiń qyzmetkerleri oryndaıtyn basty hıtteri paıdalanyldy.
30 jeltoqsan d a saǵat 21.30 -da «Habar» telearnasy efırden kórermender úshin erekshe sport qaharmandaryn marapattaý saltanatyn kórsetedi. Ulttyq Olımpıada komıtetiniń Sport premııasy-2015 televızııalyq nusqasy eki saǵatqa sozylady, eki saǵat ishinde sport juldyzdary ózderiniń eńbek sińirgen syılyqtaryn alady. Іs-sharanyń biregeıligi - kórermenderge is-sharanyń syrtynda bolyp jatqan nárseniń barlyǵy kórsetiletindiginde. Osy keshte músinsheler «jyl serpini», «jyl komandasy», «jyl sportshysy», «jyl sport klýby», «jyl federatsııasy» atalymdary arasynda úlestiriletin bolady.
Týra 12.00-de Prezıdenttiń jańa jyldyq quttyqtaýynan keıin arnaıy «Habar» telearnasy úshin Sky Productions prodıýserlik kompanııasy daıyndaǵan «Tumarym» («Pazly schastıa») fılm-kontserttiń kórsetilimi josparlanǵan. Fılm túrli oqıǵalardan quralǵan: egde jastaǵy ata-anasy men kásibı ósý arasynda tańdaý jasaýy tıis jas mansapqumar Nııaz týraly, óz qarym-qatynastary úshin kúresýi qajet 17 jasar ǵashyqtar týraly, óz balalaryna kóńil aýdarmaı júrgendigin túsinbeıtin nátıjeli kásipker Sultan týraly, 31 jeltoqsan kúni óz balasynan bas tartýǵa bel býǵan jas qyz týraly, dosy satyp ketken bozbala jáne onyń qıyn-qystaý kezde sol dosyna kómekke kelýi týraly jáne taǵy basqalar. Rólderde: Dınara Baqtybaeva, Táýekel Músilim, Janna Orynbasarova, Nurlan Álimjanov, Ásel Akbarova, Syrym Qashqabaev, Aıaýlym Erǵazy, Sher Álı, Qymbat Hangeldına, Aqbergen Jumabaev, Kámshat Qoskelova jáne basqalary. Fılmniń mýzykalyq bóliginde Roza Rymbaeva, Álı Oqapov, Búrkit, Dılnaz Ahmadıeva, Maqpal Isabekova, Janar Doǵalova, «Orda» toby sııaqty qazaqstandyq estrada juldyzdary, sondaı-aq «Habar» telearnasynyń belgili júrgizýshileri qatysady. Jobaǵa Vıktor Elıseev prodıýserlik etedi.
Sondaı-aq, kórermender «Benefıs Shoý», «Qyzyq Times» jáne «Dý-dýman» baǵdarlamalarynyń arnaıy shyǵarylymdaryn, Roza Rymbaevanyń jáne Qaırat Nurtastyń kontsertterin, sonymen qosa álemdik kınohıtterdi tamashalaı alady. Telebaǵdarlamany baǵdarlamalar shyqqan keıin www.khabar.kz saıtynan tabýǵa bolady.
Jańa jyldyq baǵdarlamalar toptamasy «Habar» agenttiginiń 20 jyldyq mereıtoıynyń ataýly qorytyndysy. Mereıtoıdy merekeleý aıasynda L.N.Gýmılev atyndaǵy Eýrazııa ulttyq ýnıversıtetiniń stýdentterimen kezdesý sııaqty salttanatty is-sharalar, Astana qalasynda aǵash saıajoly ashyldy, BAQ arasynda mını-fýtbol týrnıri jáne merekelik kontsert ótkiziledi.
