Jańa júıe turǵyn úı kómegine shyn muqtaj azamattardy anyqtaýǵa múmkindik beredi
ASTANA. KAZINFORM – Astana qalasy máslıhatynyń 2021 jylǵy 24 qarashadaǵy №104/15-VII «Astana qalasynda turǵyn úı kómeginiń mólsheri men ony kórsetý tártibin aıqyndaý týraly» sheshimine ózgerister engizý máselesi qaraldy. Bul týraly Astana qalasy jumyspen qamtý jáne áleýmettik qorǵaý basqarmasy basshysynyń orynbasary Aıgúl Talasova málim etti.
Onyń aıtýynsha, turǵyn úı kómegi 1999 jyldan beri qoldanylyp keledi jáne áleýmettik turǵydan muqtaj azamattarǵa beriledi. Buryn ótinishter tek qaǵaz túrinde qabyldanǵan. Qazirgi ýaqytta Qazaqstan Respýblıkasynyń zańnamalyq talaptarynyń jańartylǵan normasyna sáıkes kelitirý qajet.
— Ol kezde azamattar qujattaryn jeke ózderi ákelip tapsyratyn. Biz ótinish berýshiniń ózine senip, qujattardy sol jerde qabyldaıtynbyz, — dedi basqarma ókili.
Bıyl turǵyn úı kómegin rásimdeý júıesi jańartyldy. Endi azamattar ótinishti elektrondy túrde eGov portaly arqyly nemese Halyqqa qyzmet kórsetý ortalyqtary arqyly bere alady.
Sonymen qatar jańa júıe barlyq óńirler úshin biryńǵaı standarttardy engizýge múmkindik beredi. Júıe arqyly bir úıde naqty qansha adam turatynyn anyqtap, olardyń tabystary avtomatty túrde esepteledi. Barlyq málimetter júıede ashyq túrde kórsetiledi.
Osylaısha, jańa tsıfrlyq tetikterdiń kómegimen turǵyn úı kómegine shyn máninde muqtaj azamattardy dál anyqtaý múmkindigi artady.
Buǵan deıin Úkimet turǵyn úı qurylysyn damytý máselesin qaraıtynyn jazǵanbyz.
