Jańa Joldaý aqmolalyq jastardyń kóńilinen shyqty

KÓKShETAÝ. QazAqparat - Elbasy Qazaqstan halqyna arnaǵan «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda negizgi alty baǵytty aıqyndady. Onyń ishinde keler jyldy «Jastar jyly» dep belgiledi. Bul mańyzdy qujattaǵy mindetterdi Aqmola oblysynyń jastary Kókshetaýdaǵy joǵary oqý oryndarynyń birinshi kýrs stýdentterimen talqylady, dep habarlaıdy QazAqparat tilshisi.

Kezdesýde ortalyq basshysy Erlan Músipov jastarǵa Joldaýdaǵy basty baǵyttardy túsindirip, aldaǵy josparlarymen bólisti. Jastar qoǵamdyq birlestikterimen kezdesý jańa formatta ótti. Sharaǵa «Jas Otan» jastar qanaty, «Kókshetaý qalasynyń jastar resýrstyq ortalyǵy», «Kókshetaý stýdentteriniń alıansy», «Fenıks» eriktiler ortalyǵy», «Kazakhstan Innovations» qoǵamdyq qory, «Jańa Tolqyn» jastar qoǵamdyq birlestigi, «Drim» áskerı qyzmet negizi, «Dýman» Aqmola pedagogıkalyq otrıady» qoǵamdyq birlestigi, Kókshetaý qalasynyń debat klýby, «Jaidarman» KTK Aqmola oblystyq lıgasy, «Reverans» bı sporttyq klýby, «The Legacy Show» bı stýdııasy, «Fox Workout Akmola» sporttyq komandasy men «Sefırot» faer-shoýy ókilderi qatysty.

«Búgingi tańda oblysta memlekettik jastar saıasatynyń basym baǵyttaryn iske asyrýǵa, jastardy qoldaýǵa jəne olardyń jan-jaqty damýyna baǵyttalǵan júıeli jumystar júrgizilýde. Elbasynyń bıylǵy Joldaýynda jastardyń jańa zaman talaptaryna beıimdelýi men jetistikterge jetýdiń joldary qarastyrylǵan», - dep atap ótti Erlan Músipov kezdesýde. 

Qatysýshylar slaıd, vıdeo jáne kontserttik baǵdarlama usyndy. Shara sońynda qatysýshylar men qonaqtar Aqmola oblysy jastarynyń ánuranyn oryndady.