Jańa jol erejesine sáıkes taksı kólikterinde balalardyń arnaıy oryndyqtaryn alyp júrý mindetteledi
ASTANA. QazAqparat - Jańa jol júrý erejesine sáıkes taksı kólikterinde balalardyń arnaıy oryndyqtaryn alyp júrý mindetteledi. Bul týraly búgin Astanadaǵy baspasóz máslıhatynda QR ІІM Ákimshilik polıtsııa komıtetiniń basqarma basshysy Qanat Sádýaqasov málim etti.
«Taksıde mindetti túrde balalardyń arnaıy oryndyqtary bolýy tıis. Bul turǵyda birinshi kezekti balalardyń qaýipsizdigin qamtamasyz etýge erekshe mán berilip otyr»,- dedi ol.
Osy oraıda basqarma basshysy taksı júrgizýshisi atalǵan oryndyqtardy kóliktiń júk salǵyshynda únemi birge alyp júrýi tıis ekenin jetkizdi. Qajet bolǵan jaǵdaıda ony kólik salonynda ornatýǵa mindetti bolady.
«Balalardy kólik ishinde qolda ustap otyrý qaýipti. Máselen, saǵatyna 50 shaqyrym jyldamdyqpen oryn alǵan jol-kólik apaty kezinde balanyń salmaǵy 30 esege artady. Eger balanyń salmaǵy on keli bolsa, JKO kezindegi soqtyǵysý sátinde ol 300 kelige jetedi. Osyndaı jaǵdaıda balanyń aman qalýy ekitalaı. Nemese bala kóliktiń terezesinen ushyp ketýi múmkin. Sondyqtan avtooryndyqtar qaýipsizdik úshin óte qajet», - dep túıdi ol.
