Jańa jobada turǵyn úıdi jekeshelendirýge qatysty shekteýler usynylyp otyr - N. Tıhonıýk
ASTANA. Qyrkúıektiń 16-cy. QazAqparat /Qanat Mámetqazyuly/ - Jańa jobada turǵyn úıdi jekeshelendirýge qatysty shekteýler usynylyp otyr.
Bul týraly búgin QR Parlamenti Májilisinde «Qazaqstan Respýblıkasynyń keıbir zańnamalyq aktilerine turǵyn úı qatynastary máseleleri boıynsha ózgerister men tolyqtyrýlar engizý týraly» zań jobasynyń tanystyrylymy barysynda Qurylys jáne turǵyn úı kommýnaldyq sharýashylyq isteri agenttigi tóraǵasynyń orynbasary Nıkolaı Tıhonıýk málim etti.
«Zań jobasy boıynsha baspanany óteýsiz jekeshelendirýge quqy bar azamattar sanaty naqtylanady. Negizinen bundaı quqyq buryn da bolǵan jáne 1992 jylǵy Mınıstrler kabınetiniń qaýlysymen bekitilgen edi. Sondyqtan da, biz bul quqyqtardy júıelendire túsemiz», - dedi Agenttigi tóraǵasynyń orynbasary Nıkolaı Tıhonıýk.
Onyń aıtýynsha, memlekettik organdardyń usynysyna sáıkes, zań jobasynda turǵyn úıdi jekeshelendirýge shekteý qoıýlar de kózdelgen. Atap aıtqanda, belgilengen sanıtarlyq jáne tehnıkalyq talaptarǵa jaýap bermeıtin, áskerı qalashyqtardyń, shekara zastavalarynyń jáne ózge de jabyq nysandar aýmaǵynda ornalasqan, erekshe tabıǵı aýmaqtarda ornalasqan turǵyn úıler jekeshelendirýge jatpaıdy.
«Qoldanystaǵy normaǵa sáıkes, jetim balalar men ata-ana qamqorlyǵynsyz qalǵan balalar turǵyn úı qorynan baspana alý quqyna ıe. Biz ótken jyly bundaı balalardyń jasyn 18-den 23-ke deıin uzartqan edik. Shyndyǵynda, bul norma áli de áreketsiz qalyp otyr. Endi ákimdikter tarapynan osy merzimdi uzartý týraly usynystar tústi. ıAǵnı, jetim balalar men ata-ana qamqorlyǵynsyz qalǵan balalar turǵyn úı qorynan baspana alǵansha esepten shyǵarylmaıdy. Biz osy normany usynyp otyrmyz», dedi N. Tıhonıýk.
