Jańa joba qylmystyq-atqarý zańnamasyn odan ári jetildirýge baǵyttalǵan
ASTANA. 16 qazan. QazAqparat - Búgin ótken Májilistiń jalpy otyrysynda Palatanyń qaýlysymen Qylmystyq-atqarý kodeksiniń jobasy jumysqa alyndy. Kodeks jobasy boıynsha qorytyndy ázirleý mindeti Májilistiń Zańnama jáne sot-quqyqtyq reforma komıtetine júkteldi.
Kodeks jobasy Qazaqstan Respýblıkasy Úkimetiniń zań jobalaý jumystarynyń 2013 jylǵa arnalǵan josparynyń 29-tarmaǵyna sáıkes ázirlengen.
Joba sottalǵan adamdardyń quqyqtary men zańdy múddeleriniń qorǵalýy deńgeıin jáne qylmystyq jazalaýdy oryndaýdyń tıimdiligin barynsha arttyrý maqsatynda qylmystyq-atqarý zańnamasyn odan ári jetildirýge baǵyttalǵan.
Qylmystyq-atqarý kodeksiniń jobasyn qabyldaý qoǵamnan oqshaýlaýmen baılanysty emes qylmystyq quqyqtyq sharalardy anaǵurlym keńinen paıdalaný, sottalǵan adamdardy jáne jazany ótkerýden bosatylǵan adamdardy áleýmettik ońaltý jáne beıimdeý, penıtentsıarlyq jáne postpenıtentsıarlyq qaıtalanǵan qylmystardyń deńgeıin tómendetýge jaǵdaı jasaıdy. Sondaı-aq sottalǵan adamdarmen júrgiziletin tárbıelik úderiske jurtshylyqtyń qatysý tetigin qalyptastyrady.
Joba boıynsha sybaılas jemqorlyqqa qarsy, ǵylymı, ekonomıkalyq jáne lıngvıstıkalyq saraptamalar júrgizilgen.
