Jańa jylyńyzben - LED ekrandaǵy quttyqtaý Qandyaǵash turǵyndarynyń shamyna tıdi
AQTÓBE. KAZINFORM — Qandyaǵash qalasyndaǵy bul LED ekrandy qondyrýǵa bıýdjetten 7,8 mln teńge jumsalǵan.
Muǵaljar aýdanynyń ortalyǵy Qandyaǵash qalasyndaǵy LED ekranda «Jańa jylyńyzben!» degen jazý shyǵyp, ony turǵyn vıdeoǵa túsirip aldy. Keıin áleýmettik jelige tarap ketti.
Muǵaljar aýdany ákimdiginiń habarlaýynsha, LED ekran bıyl kóktemde isten shyqqan. Shildede ákimdik qyzmetkerleri ony jóndemek bolyp, qosyp qaraǵan. Sol kezde qysta júktelgen beınematerıal qaıta aınalyp, turǵyndardyń biri ony túsirip úlgergen.
— 2023 jyly bıýdjetten 7 850 000 teńge bólindi. Kelisimshart boıynsha eki jyl kepildik merzimi bar. Kepildik qujaty 25 qazanǵa deıin jaramdy. Qondyrǵan merdiger kelip, ózi jóndeıdi. Qazirgi kezde LED ekrandy sóndirip qoıdy, — dep habarlady Muǵaljar aýdany ákimdigi.
Eske salsaq, Aqtóbede quny 234 mln teńgeniń saıabaǵy jaramsyz kúıge tústi. Qandyaǵash qalasyndaǵy saıabaqta shamdar iske qosylmaǵan, máńgilik alaý oty jaǵylmady, al salynǵan arkalardyń tirekteri qıraı bastady. Ákimdik merdigerdi jóndeý jumysyn júrgizýge mindettedi.