Jańa jyl qarsańynda 3 baǵytta qosymsha poıyzdar jolǵa shyǵady

ASTANA. KAZINFORM – Jańa jylǵa qaraı 3 baǵytta qosymsha poıyzdar jolǵa shyǵady. Bul týraly Úkimet otyrysynan keıingi brıfıngide «Qazaqstan temir joly» UK» AQ basqarma tóraǵasy Talǵat Aldybergenov aıtty. 

– Árıne, biz qysqy maýsymǵa arnaıy qosymsha poıyzdar daıyndadyq. 20 jeltoqsannan bastap, qańtardyń basyna deıin úsh baǵytta bir-bir poıyzdan bolady. Olar Almaty, Shymkent jáne Aqtóbe baǵytynda qatynaıdy. Biz ony sanadyq, 30 myń adamǵa deıin qosymsha jolaýshy tasymaldaımyz. Buǵan qosa, qazirgi poıyzdarǵa qosymsha 600 vagon tirkeledi. Oǵan 30 myńdaı qosymsha bılet satylady, - dedi ol BAQ ókilderiniń saýalyna oraı.

Kompanııa basshysy qysqy maýysymda temir jol bıletinde tapshylyq bolmaıtynyna sendirdi.

– Bılet arzan bolaıdy. Óıtkeni, bul tarıfterdi mınıstrlik bekitken. Biraq, qymbattamaıdy da, - dedi Talǵat Aldybergenov.

Buǵan deıin 14 jeltoqsanynan bastap №145/146 «Astana – Omby» jolaýshylar poıyzy jolǵa shyǵatynyn jazǵan edik.