Jańa jylǵa deıin kóp nárse sheshilýi múmkin: Zelenskıı Tramppen kezdesetinin aıtty
ASTANA. KAZINFORM — Ýkraına prezıdenti Vladımır Zelenskıı jaqyn arada AQSh prezıdenti Donald Tramppen kezdesedi.
Zelenskıı bul týraly óziniń Telegram arnasynda habarlady.
Ýkraına kóshbasshysynyń aıtýynsha, Ýkraına Ulttyq qaýipsizdik jáne qorǵanys keńesiniń hatshysy Rýstem Ýmerov oǵan amerıkalyq tarappen sońǵy baılanys týraly aqparat berdi.
— Biz bir kúndi de bosqa ótkizbeımiz. Jaqyn arada prezıdent Tramppen joǵary deńgeıde kezdesýge kelistik. Jańa jylǵa deıin kóp nárse sheshilýi múmkin. Ýkraına jasasyn! — dep jazdy Zelenskıı.
Eki kóshbasshynyń kezdesýi qaıda jáne qashan ótetini áli belgisiz.
The Kyiv Post basylymynyń habarlaýynsha, ol AQSh-ta 28 jeltoqsanda Tramptyń Florıdadaǵy Mar-a-Lagodaǵy jeke rezıdentsııasynda ótýi múmkin.
2025 jyly Vladımır Zelenskıı Aq úı basshysymen kelissóz júrgizý úshin AQSh-qa úsh ret bardy, sońǵysy 17 qazanda boldy.
Aıta keteıik, buǵan deıingi Zelenskıı men AQSh delegatsııasy arasyndaǵy kelissóz 5 saǵattan asa ýaqytqa sozylǵan edi.
Zelenskıı Tramptyń Ýkraınaǵa qatysty beıbitshilik josparyn jarııalady.