Jańa jyldyq reıdter barysynda zańsyz aǵash kesý faktileri anyqtaldy - polıtsııa

ASTANA. KAZINFORM - Qylqan japyraqty jas aǵashtardyń zańsyz kesilýiniń, tasymaldanýynyń jáne satylýynyń jolyn kesý maqsatynda «Shyrsha» jedel aldyn alý is-sharasy ótkizildi, – dep habarlaıdy Polisia.kz.

Іs-shara barysynda 711 jumyldyrý toby quryldy. Jalpy 2450 reıdtik is-shara ótkizildi. Qabyldanǵan sharalardyń nátıjesinde 1011 ákimshilik quqyq buzýshylyq anyqtaldy: aǵashtardy zańsyz kesýdiń 8 faktisi; belgilenbegen jerlerde satýdyń 574 faktisi; jasyl jelekterdi kútip ustaý jáne qorǵaý erejelerin buzýdyń 429 faktisi.

4,9 mln teńgeden astam somaǵa aıyppul salyndy. Odan bólek, 4 qylmystyq quqyq buzýshylyq tirkeldi.

Osyǵan deıin Jańa jyldyq merekede pırotehnıkalyq quraldardan 63 adam zardap shekkenin jazdyq.