Jańa jyldan bastap shaǵyn jınaqty aýyldyq mektepterdiń áleýetin damytý jobasy bastalady

ASTANA. KAZINFORM – Ótken jyly Aqtóbe oblysynda tsıfrlyq tehnologııalardy paıdalana otyryp, shaǵyn jınaqty mektepterdi damytý jobasy synaqtan ótti. Jobany iske asyrý barysynda aýyldyq jerlerde bilim berý sapasy men oqytýdyń tıimdiligi aıtarlyqtaı artqany anyqtaldy. Bul týraly Oqý-aǵartý mınıstrliginiń baspasóz qyzmeti málimdedi.

Aqtóbe oblysynyń barlyǵy 10,5 myń oqýshy kontıngenti bar 134 shaǵyn jınaqty mektebi pılottyq jobamen qamtyldy. Joba qorytyndysy boıynsha mektepterdiń 77,4%-da joǵary sapaly ınternetke qol jetkizý máselesi sheshimin tapty.

- Oqý protsesinde tsıfrlyq sheshimder, sonyń ishinde tirek mektepter oqytýshylary ozyq tehnologııalardy tıimdi paıdalanýdy, oqýshyǵa ońaı jetkizýdi júzege asyrdy. Jobany iske asyrý nátıjesinde mektepter onlaın-oqytýǵa arnalǵan 155 jańartylǵan tsıfrlyq kabınetter men zerthanalyq jumystardy júrgizýge arnalǵan ǵylym kabınetterin aldy. Sondaı-aq, 1000-nan astam pedagog bilim berý baǵdarlamalary boıynsha oqýdan ótti. Oqý jetistikteri monıtorınginiń nátıjeleri oqýshylardyń barlyq pánder boıynsha úlgeriminde oń dınamıkany kórsetti, - dep atap ótti QR Oqý-aǵartý mınıstrligi Orta bilim komıteti tóraǵasynyń orynbasary Álııa Chokýsheva.

Aıta keteıik, búginde Qazaqstanda 8 myń mektep bar, onyń 67,4%-y aýyldyq jerlerde ornalasqan, al 51,2%-y shaǵyn jınaqty mektepter bolyp tabylady. Shaǵyn jınaqty mektepterdiń eń kóbi Soltústik Qazaqstan, Qostanaı, Aqmola, Pavlodar, Batys Qazaqstan jáne Aqtóbe oblystarynda ornalasqan. Alynǵan nátıjelerge súıene otyryp, atalǵan jobany kelesi jyldan bastap joǵaryda atalǵan óńirlerde masshtabtaý josparlanyp otyr.

Joba QR Oqý-aǵartý mınıstrliginiń bastamasymen Aqtóbe oblysynyń ákimdigimen birlesip, «Qazaqstan halqyna» qorynyń, Bilim berýdi turaqty damytý Qorynyń qoldaýymen júzege asyrylyp jatyr.

Elimizdegi 2 mektepke halyqaralyq mártebe beriletinin jazǵan bolatynbyz.