Jańa jyldan bastap «ІnDriver» kólikterine talaptar kúsheıedi

TARAZ. KAZINFORM – Bıylǵy jyldyń mamyr aıynda QR Kólik jáne Іshki ister mınıstlikterimen jáne «ІnDriver», «ıAndeks» taksı qosymshalarynyń basshylyǵy arasynda ózara Memorandým jasalǵan bolatyn.

Osy memorandýmǵa sáıkes 2025 jyldyń 1 qańtarynan bastap «ІnDriver» taksı qosymshasyna basqa memlekette tirkelgen, basqarý qurylǵylary oń jaqta ornalasqan jáne QR Zańnamasyn jıi buzatyn avtokólikterge tirkelýge shekteý qoıylady.

«Munyń sebebi sońǵy kezderi júrgizýshiniń tynyǵý rejıminiń buzylýy, reıs aldynda medıtsınalyq jáne mehanıkalyq tekserýden ótpeýi, mindetti saqtandyrýsyz jolaýshylar tasymaldaýy saldarynan jol apaty kóbeıdi. Olardyń eleýli bóligi «InDriver», «ıAndeks» taksı júrgizýshilerimen oryn alýda. Elimizde «InDriver», «ıAndeks» taksı baǵdarlamasyn mobıldi qosymshaǵa tirkeý arqyly qanshama kólik jolaýshylar tasymaldaýda. Alaıda ol azamattar QR Ulttyq standartyndaǵy taksı tasymaldaýshylaryna jáne qyzmet kórsetetin taksı avtokólikterine qoıylatyn talaptaryna sáıkes kelmeıtin avtokóliktermen jolaýshylar tasymaldaýda» deıdi bul jóninde Jambyl oblysy ákiminiń orynbasary Qanatbek Mádibek.

Naqtyraq aıtsaq, jergilikti atqarýshy organǵa taksı qyzmetin bastaǵany jóninde habarlama joldamaı, basqarý qurylǵylary oń jaqta ornalasqan, paıdalaný merzimi 15 jyldan asatyn jáne avtokólik júrisi 500 myń shaqyrymnan asatyn, tipti basqa memlekette tirkelgen avtokóliktermen jolaýshylar tasymaldanýda. 

Osy rette Jambyl oblysynda 14 reıdtik jumystary uıymdastyrylyp, 128 avtokólik tekserildi. Nátıjesinde 385 hattama toltyrylyp, 3,5 mln. teńge aıyppul salyndy. 

Aıta ketsek, biz buǵan deıin elimizde jol apaty 90 paıyzǵa kóbeıgenin jazǵan bolatynbyz.