Jańa jylda pırotehnıkadan qansha adam zardap shekti
Jańa jyl túni elimizde pırotehınka buıymdarynan 16 adam zardap shekti, dep habarlaıdy Kazinform QR Densaýlyq saqtaý mınıstrligine silteme jasap.
«1 qańtar kúni Shyǵys Qazaqstan oblysynda 15 jastaǵy jigitke medıtsınalyq kómek kórsetý úshin dárigerler shaqyrtyldy. Ol kóshede petarda taýyp alǵan jáne qolynda jarylyp, sol alaqany 10 sm kóleminde ashyq jaraqat alǵan. Úsh saýsaǵynda tyrnaq plastınkasy joq, tórtinshi saýsaǵynyń ushy joq, betin termııalyq kúıik shalǵan. Ol Óskemen qalasynyń Ana men bala ortalyǵyna jatqyzyldy», - dep jazylǵan mınıstrliktiń resmı jaýabynda.
Jambyl oblysynda dárigerler 2 shaqyrýǵa barǵan. Ondaǵy eki adamnyń da qolynda petarda jarylǵan jáne ekeýi de aýrýhanaǵa jatqyzyldy.
Túrkistan oblysynda 1 qańtar kúni 26 jastaǵy er adamǵa medıtsınalyq kómek kórsetildi, ol otshashý jaǵamyn dep, bilegin jeńil jaraqattaǵan.
Almaty qalasy boıynsha 31 jeltoqsan men 1 qańtar kúnderi 12 adam pırotehnıkadan zardap shekken, onyń ishinde 4 bala bar. 9 adam, onyń ishinde 3 bala aýrýhanaǵa jatqyzylǵan.
Qalǵan óńirlerde pırotehnıkadan (otshashýdan) zardap shekken turǵyndardan shaqyrtý túspegen.
Buǵan deıin Densaýlyq saqtaý mınıstrligi 2023 jyldyń 30 jeltoqsany men 2024 jyldyń 2 qańtary aralyǵynda jol-kólik oqıǵasynan qansha adam zardap shekkenin jarııalaǵan edi.
