Jańa jylda azyq-túlik baǵasy qymbattaı ma – mınıstr jaýaby
Saýda jáne ıntegratsııa mınıstri Arman Shaqqalıev jańa jylda azyq-túlik baǵasy qalaı ózgeretinin aıtty, dep habarlaıdy Kazinform.
«Birinshiden, biz monıtorıng júrgizip otyrmyz. Ulttyq statıstıka bıýrosy jasaıtyn monıtorıng derekterin únemi paıdalanamyz. Eń sońǵy degen derekten mysal keltireıin, aldyńǵy aptada áleýmettik-ekonomıkalyq mańyzy bar azyq-túlik baǵasynyń ındeksi ózgerissiz qaldy. Osy sanattaǵy 19 túrli taýardyń baǵasy ózgergen joq», - dedi ol.
Mınıstrdiń sózinshe, jańa jyl qarsańynda 37 túrli taýardyń baǵasy ózgerýi múmkin.
«Jańa jyl sebetine qatysty aıta keteıin, meıram kezinde dastarhanǵa qoıylatyn ónim túrleri boıynsha belgili bir ózgeris bolady dep kútip otyrmyz. Shartty túrde 37 taýar túrin alyp qaradyq – belgili bir ózgerister bar. Onyń ishinde jumsaq qaptamadaǵy sút, mandarın, shampan sııaqty ónimder bar», - dedi Arman Shaqqalıev.
Vedomstvo basshysy jyldyq ınflıatsııa kólemi – 10,3% ekenin eske saldy.
Al Jańa jyl sebetine kiretin taýarlardyń baǵasyndaǵy qazirgi ózgeris 10-10,7% paıyz aralyǵynda.
