Jańa jyl túninde Jańa Orleandaǵy oqıǵadan kóz jumǵandardyń sany 15-ke jetti

ASTANA. KAZINFORM – AQSh-tyń Jańa Orlean qalasynyń ortalyǵyndaǵy Býrbon kóshesinde qaıǵyly jaǵdaı boldy. Jan túrshigerlik oqıǵadan 15 adam qaza taýyp, 35 adam jaraqat aldy. Bul týraly BBC habarlady. 

Kólik tizgindegen qylmysker Býrbon kóshesinde jańa jyldy toılaýǵa jınalǵandardyń birnesheýin qaǵyp ketken. Sodan keıin ol kóliginen túsip, adamdarǵa oq jaýdyrǵan. Atys kezinde eki polıtsııa qyzmetkeri jaralandy.

Polıtseılerdiń paıymdaýynsha, júrgizýshi adamdardy ádeıi basyp ketken. FBR oqıǵany terakt retinde tergep jatqanyn aıtty.

Olar birden mundaı qorytyndyǵa birden kelgen joq: alǵashqy túsiniktemelerde bıýro ókilderi bul oqıǵany terakt dep sanamaıtyndaryn aıtqan edi.