ІІM: Jańa jyl merekesi tynysh ári qaýipsiz ótti
ASTANA. KAZINFORM — Jalpy jańa jyl túni kósheler men qoǵamdyq oryndarda aýyr jáne asa aýyr qylmystarǵa jol berilgen joq, dep habarlaıdy Polisia.kz.
Jańa jyldy toılaý kezinde ishki ister organdarynyń qyzmetkerleri qoǵamdyq qaýipsizdik pen azamattardyń tynyshtyǵyn qamtamasyz etý maqsatynda kúsheıtilgen rejımde qyzmet atqardy.
— 31 jeltoqsan tańynan 1 qańtar tańy aralyǵynda polıtsııanyń 102 jedel baılanys pýltine 11 448 ótinish tústi, onyń ishinde 3 082-si túngi ýaqytta kelip túsken. Qońyraýlardyń basym bóligi anyqtamalyq sıpatta boldy. Azamattar petardalardy paıdalaný máseleleri boıynsha habarlasyp, muz aıdyndary men jańa jyldyq shyrshalardyń qaıda ornalasqanyn naqtylady, syrǵanaqtarda adasyp qalǵandar týraly, sondaı-aq aýlalarda durys qoıylmaǵan avtokólikter men shyǵýǵa kedergi keltirgen jaǵdaılar jóninde habarlady, — delingen habarlamada.
Túsken barlyq ótinishke polıtsııa qyzmetkerleri ýaqtyly áreket etip, qoldanystaǵy zańnama aıasynda qajetti sharalardy qabyldady. Qabyldanǵan sharalar men polıtsııanyń úılesimdi jumysynyń arqasynda merekelik is-sharalar tynysh ótti. Kósheler men qoǵamdyq oryndarda zań men tártip tolyq kólemde qamtamasyz etildi.
Budan buryn Qazaqstanda eń jıi salynatyn aıyppuldar somasy ulǵaıǵany anyqtaldy.