Jańa jyl túni eń kóp náreste dúnıege kelgen óńirler qandaı

ASTANA. KAZINFORM — Qazaqstanda Jańa jyl túninde 254 náreste dúnıege keldi, dep habarlaıdy DSM baspasóz qyzmeti.

Mınıstrliktiń málimetinshe, týǵan nárestelerdiń sany, jynysy boıynsha uldar men qyzdar birdeı. Olardyń ishinde Aqtóbe oblysynda bir egiz dúnıege keldi. 

Dástúrli túrde eń kóp náreste dúnıege kelgen óńirler mynadaı: 

• Túrkistan oblysy — 29 bala,
• Shymkent qalasy — 24,
• Astana — 22 jáne Almaty qalasy — 21.

Densaýlyq saqtaý mınıstrligi «Analar saýlyǵy» baǵdarlamasy sheńberinde ekstragenıtaldyq patologııalardy anyqtaý, josparlanǵan júktilikke deıin zerttep-qaraýlar men saýyqtyrý maqsatynda profılaktıkalyq qarap-tekserýler men pregravıdarlyq daıyndyq júrgizip jatyr.

— 2025 jyldyń qorytyndysy boıynsha pregravıdarlyq daıyndyqpen qamtý 11%-ǵa artyp, áıelderdiń 46,5%-yn qurady. Júktiliktiń 10 aptasyna deıin erte esepke turǵan júkti áıelderdiń sany 25%-ǵa ósti. Bul árbir bolashaq anaǵa jeke mýltıdıstsıplınarlyq tásildi qamtamasyz etýge, sapaly antenataldyq kútim kórsetýge, qaýipsiz bosanýǵa jáne bosanǵannan keıingi baqylaýdy júrgizýge múmkindik beredi, — delingen habarlamada.

Budan buryn Almatyda Jańa jylǵa qaraǵan túni 21 sábı dúnıege kelgenin jazǵanbyz.