Jańa jyl túni Aqtóbede kún jyly bolady

AQTÓBE. KAZINFORM - Erteń Aqtóbede azdaǵan qar jaýady. Al 1 qańtar kúni borap, kóktaıǵaq bolýy yqtımal.

Ertei Aqtóbeniń soltústiginde azdaǵan qar jaýady. Soltústiginde, shyǵysynda jáne ońtústiginde tuman túsedi. Ońtústikten, ońtústik-batystan soqqan jeldiń jyldamdyǵy sekýndyna 7-12 metrge, soltústiginde 15-18 metrge jetedi. Aýa temperatýrasy túnde -6-11°C , shyǵysynda -1°C 4, kúndiz -1-6°C , shyǵysynda -9°C aıaz bolady.

- 1 qańtarda túnde oblystyń batysynda, soltústiginde qar jaýyp, burqasyn, kóktaıǵaq bolady.

Kúndiz de qar jaýyp, kóktaıǵaq bolýy yqtımal. 2 qańtarda túnde oblystyń soltústiginde, shyǵysynda qar jaýyp, burqasyn, kóktaıǵaq bolady. Kúndiz oblystyń batysynda, soltústiginde jaýyn-shashyndy. Jańbyr, qar jaýyp, burqasyn, kóktaıǵaq bolady. Túnde jáne tańerteń oblystyń soltústiginde, shyǵysynda tuman túsedi. Soltústik-batystan soǵatyn jel ońtústik-batysqa aýysady. Jeldiń jyldamdyǵy sekýndyna 15-20 metrge jetedi. Oblystyń batysynda, soltústiginde, shyǵysynda jel ekpini sekýndyna 23-28 metrge jetedi. Aýa temperatýrasy túnde jáne kúndiz -0-5°C, shyǵysynda -8°C bolady. 2-qańtarda túnde -3-8°C, oblystyń soltústiginde -11°C aıaz, kúndiz -3°C sýyq- +2°C jyly bolady,- dedi sınoptık Aıajan Amanjolqyzy. 

Al Aqtóbe qalasynda 31 jeltoqsan kúni aýa raıy bultty bolady. Keıde azdaǵan qar jaýady. Ońtústikten, ońtústik-batystan jel soǵady. Jyldamdyǵy sekýndyna 6-11 metrge jetedi. Aýa temperatýrasy túnde -8-10°C, kúndiz-2-4°C sýyq bolady. 

- 1 qańtarda kún bultty, qar jaýady. Burqasyn, kóktaıǵaq bolady. Soltústik batystan soǵatyn jel ońtústik batysqa aýysady. Jyldamdyǵy sekýndyna 15-20 metrge jetedi. Aýa temperatýrasy túnde -4-6°C, kúndiz -1-3°C sýyq bolady. 2 qańtarda kún bultty, qar jaýady, burqasyn bolady. Ońtústik-batystan jel soǵady. Jyldamdyǵy sekýndyna 9-14 metrge jetedi.

Aýa temperatýrasy -6-8, kúndiz-0-2 °C sýyq bolady,- dedi sınoptık. 

Aıta keteıik, «Qazgıromed» RMQ aldaǵy kúnderge arnalǵan aýa raıy boljamyn jarııalady.