Jańa jyl sımvoly: el óńirlerinde mandarın qanshadan satylyp jatyr
Mandarın jańa jyl merekesiniń sımvoly ispettes. Osyǵan qaraı mereke qarsańynda mandarın saýdasy qyza túsedi, ıaǵnı ony satyp alýshylar da, ózge elden jetkizýshiler de kóbeıedi. Soǵan oraı mandarınniń baǵasy da sharyqtap shyǵa keletin ádeti. Dámi til úıiretin ekzotıkalyq jemis bıyl elimizge qandaı kólemde jetkizildi, ol el óńirlerinde qanshadan saýdalanyp jatyr? Kazinform tilshisi osy saýaldar negizinde quzyrly organdardan tıisti málimetterdi surastyrǵan edi.
Memlekettik kirister komıtetiniń málimetinshe, Qytaı, Pákistan jáne Túrkııa — elimizge mandarın jetkizýshi negizgi elder.
Tsıtrýs pen ekzotıkalyq jemisterdi bári burynnan jaqsy kóredi jáne ımporttaý múmkindikteriniń arqasynda biz olardy jyl boıy paıdalana alamyz.
Bıyl qańtar-qazan aıy aralyǵynda respýblıkaǵa quny 35 607,2 myń AQSh dollaryn bolatyn 51 969,9 tonna tsıtrýs jáne ekzotıkalyq jemister ımporttaldy.
Bıyl 10 aıda quny 34 579,8 myń AQSh dollary bolatyn, 51 095,4 tonna hosh ıisti tsıtrýs jemisteri ákelindi.
Ótken jylǵa qaraǵanda elimizge jetkizilgen mandarın kólemi aıtarlyqtaı artqan. Sondaı-aq 12 878,0 myń AQSh dollardyń 15 882,5 tonna tsıtrýs jemisteri ımporttaldy.
El aýmaqtarynda mandarın baǵasy ár óńirde árqalaı bolyp tur.
