Jańa jyl merekesinde HQO men mamandandyrylǵan HQO qalaı jumys isteıdi

ASTANA. KAZINFORM — Qazaqstanda 2026 jylǵy 1 jáne 2 qańtarda, sondaı-aq 7 qańtar kúni halyqqa qyzmet kórsetý ortalyqtary, onyń ishinde mamandandyrylǵan ortalyqtar jumys istemeıdi, dep habarlaıdy Azamattarǵa arnalǵan úkimet.

Memlekettik korporatsııanyń málimetinshe, 3 qańtar, senbi kúni kezekshi HQO men mamandandyrylǵan HQO úshin jumys kúni bolyp sanalady. Bul kúni azamattardy qabyldaý 09:00-den 13:00-ge deıin júrgiziledi.

Al 5 jáne 6 qańtar jumys kúnderi bolyp esepteledi.

Atalǵan kúnderi elimizdegi barlyq HQO men mamandandyrylǵan HQO ádettegi tártipte qyzmet kórsetedi.

Aıta keteıik, halyqqa qyzmet kórsetý ortalyqtary, onyń ishinde mamandandyrylǵan ortalyqtar, jumys kúnderi 09:00-den 18:00-ge deıin azamattardy qabyldaıdy.

Kezekshi HQO men mamandandyrylǵan HQO dúısenbiden jumaǵa deıin 09:00-den 20:00-ge deıin, senbi kúni 09:00-den 13:00-ge deıin jumys isteıdi.

Eske salaıyq, Qazaqstannyń birqatar qalasynda HQO-lardyń mekenjaılary ózgeredi.