Jańa jyl merekesi aıaqtaldy: Almaty zoobaǵy tabıǵı shyrshalardy qabyldap jatyr

ALMATY. KAZINFORM – Almaty zoobaǵy jyldaǵy dástúr boı̆ynsha tiri shyrshalardy qabyldaýdy bastady. 

– Mereke aıaqtaldy. Biz paıdalanylǵan jasyl shyrshalardy qabyldaý aktsııasyn bastaımyz. Paıdalanǵan tabıǵı jasyl shyrshalaryńyzdy qoqysqa tastamaı, bizdiń zoobaqqa ákelip tapsyryńyz.

Zoobaǵymyzda bul shyrshalar janýarlar qorshaýyndaǵy tabıǵı ortany tolyqtyratyn bolady. Qabyldanǵan shyrshalar buǵy, elik, qodas, harzalardyń, taǵy basqa janýarlardyń qorshaýlaryna ornalastyrylady. Janýarlar óz aýmaqtaryndaǵy jańa zatqa erekshe qyzyǵýshylyq tanytady. Olar qorshaýlaryna ákelingen shyrshany tartqylap, ıisin tanyp, dámin kórip, odan sekirip, butaqtary men qabyǵyn tistelep oınaıdy. Osylaısha janýarlarymyzdyń qalypty tirshiligine jańa serpin bere alamyz, - delingen habarlamada. 

Shyrshany qaladaǵy Ormanov, 64 mekenjaı̆ynda ornalasqan Almaty haı̆ýanattar baǵynyń qyzmetkerler kiretin jaǵyna ákelip, tapsyra alasyzdar. 

Tabıǵı shyrshalar 13-17 qańtar kúnderi aralǵynda qabyldanady. 

Osyǵan deıin Almatyda shırek ǵasyr ómir súrgen Han esimdi keriktiń ólgeni týraly jazǵanbyz. 

Sondaı-aq Qazaqstanda tabıǵı shyrshalar qalaı ósiriletini jaıynda jazǵan edik.