Jańa jyl keshi ótetin ǵımaratqa qandaı talaptar qoıylady
ASTANA. KAZINFORM — Astana qalasy tótenshe jaǵdaılar departamenti memlekettik órt baqylaý basqarmasy basshysynyń orynbasary Ǵabıt Babaev Jańa jyl keshi ótetin ǵımaratqa qandaı talaptar qoıylatynyn aıtty.
— Adamdar jappaı jınalatyn is-shara uıymdastyrǵan kezinde keminde 2 «evakýatsııa esigi» bolý kerek. Jańa jyldyq is-sharany janǵysh jabyny bar ǵımarattyń ekinshi qabattan joǵary bóliginde ótkizýge bolmaıdy, — dedi ol.
Mamannyń aıtýynsha, ǵımarat ishin árleý kezinde órt qaýipsizdiginiń erejelerin qatań saqtaý kerek.
— Áshekeı shamdardy elektrge durys jalǵaý qajet. Ǵımarattyń elektr júıesinde tómendetkish transformator bolmasa, shyrshaǵa taǵylatyn shamdar tizbeginiń kerneýi 12 voltten aspaý kerek, — dedi tótenshe jaǵdaı qyzmetiniń ókili.
Buǵan deıin 28 jeltoqsan kúni elordada jańa jylǵa arnalǵan jappaı marafon ótetinin jazǵan edik.