Jańa jasandy ıntellekt modelderi hakerlik shabýyldardy kúsheıtedi — Eýrokomıssııa tóraǵasy
ASTANA. KAZINFORM — Eýrokomıssııa tóraǵasy Ýrsýla fon der Lıaıen jasandy ıntellektiniń qarqyndy damýyna baılanysty týyndaýy múmkin qaýipter týraly eskertti. Bul týraly BILD agenttigi jazdy.
Strasbýrgte Eýroparlament aldynda jyl saıynǵy esebin tanystyrǵan Ýrsýla fon der Lıaıen Eýroodaq elderin tehnologııanyń damý qarqynyna saı qaýipsizdik erejelerin der kezinde ázirleýge shaqyrdy. Onyń aıtýynsha, tehnologııalyq progress qaýipsizdik talaptaryn ázirleý úderisinen ozyp ketpeýi kerek.
Sondaı-aq Eýropa jasandy ıntellektiniń múmkindikterin tıimdi paıdalana otyryp, onyń yqtımal qaýipterin de eskerýi qajet ekenin eske saldy.
— Qazir ázirlenip jatqan jańa modelder buryn múmkin bolmaǵan deńgeıdegi hakerlik shabýyldardy jasaýǵa múmkindik beredi. Jaqyn arada bul tehnologııalar álemge kózqarasy bizden múlde bólek qarsylastardyń qolyna túsýi múmkin, — dedi Eýrokomıssııa tóraǵasy.
Ol Eýropalyq odaq jańa tehnologııalardy qoldaný erejelerin ózi aıqyndap, olardyń qaýipsiz damýyna jaǵdaı jasaýy qajet ekenin atap ótti.
Fon der Lıaıen jasandy ıntellektiniń damýy Eýropanyń tehnologııalyq básekege qabilettiligi úshin mańyzdy ekenin atap ótti. Onyń aıtýynsha, EO jasandy ıntellektiniń múmkindikterin paıdalana otyryp, ony jetkilikti deńgeıde rettemeýden týyndaýy múmkin qaýipterdiń aldyn alýy kerek.
Aıta keteıik, Microsoft AQSh mektepterindegi jasandy ıntellekt júıelerine jańa shekteýler engizedi.
Sondaı-aq Ilon Mask pen OpenAI basshysy Sem Altman Anthropic kompanııasynyń bas dırektory Darıo Amodeıdiń jasandy ıntellektiniń eń qýatty júıelerin ázirleý qarqynyn báseńdetý týraly usynysyn qoldady. Bul usynys JI júıeleriniń qaýipsizdigine qatysty alańdaýshylyqtyń kúsheıýine baılanysty aıtyldy.
