Jańa járdemaqy: Stýdent balalary bar otbasylar bir mekenjaıda tirkelýi mindetti me
NUR-SULTAN. QazAqparat – QR Eńbek jáne halyqty áleýmettik qorǵaý mınıstri Birjan Nurymbetov jańa járdemaqyny alatyn otbasylardyń stýdent balalary bir mekenjaıda tirkelýi mindetti emes ekenin aıtty, dep habarlaıdy QazAqparat tilshisi.
«Ondaı másele bolǵan, ıaǵnı zańnamada «birge turatyn balalar» degen túsinik boldy. Sondyqtan osydaı máseleler týyndady. 2020 jylǵa deıin ýaqyt bar. Osy oraıda tıisti sheshimdi qabyldadyq. Oqýyna baılanysty syrtta júrgen balalardyń barlyǵyn bir mekenjaıda turady dep sanaımyz. Osy baǵatty tıisti normatıvtik-quqyqtyq aktiler jasalady», - dedi mınıstr Májiliste tilshiler saýalyna jaýap bere otyryp.
Budan buryn habarlanǵandaı, 2020 jyldan bastap jańa járdemaqy 340 myńnan astam otbasyǵa taǵaıyndalady.
Osy oraıda, atalǵan memlekettik járdemaqy 4 nemese odan da kóp kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar barlyq kópbalaly otbasylarǵa tabysyna qaramastan tólenedi dep josparlanýda.
