Jańa jáne ekinshi deńgeıdegi turǵyn úıler baǵasy turaqty
ASTANA. QazAqparat - 2017 jylǵy sáýirde respýblıka boıynsha ortasha birinshi/taza árlengen páterlerdiń jalpy alańynyń bir sharshy metrine baǵa 250 067 teńge kóleminde tirkeldi, dep habarlady QR UEM baspasóz qyzmeti.
Naýryz aıymen salystyrǵanda, jańa úı satý baǵasy 0,4 paıyzǵa artqan. Jańa turǵyn úıge baǵanyń ósý qarqyny ótken aı deńgeıinde saqtaldy.
Bul rette 2017 jylǵy qańtar-naýryzda kóp páterli úılerde turǵyn úıdiń bir sharshy metriniń qurylysyna ortasha naqty shyǵyndar 123 000 teńgeni qurady.
2017 jylǵy sáýirde abattandyrylǵan úı baǵasy ózgergen joq, sharshy metri 188 233 teńgeni qurady. Jyl basynan bastap 0,2 paıyzǵa tómendedi.
Sáýirde abattandyrylmaǵan turǵyn úılerdi qaıta satý baǵasy 2017 jylǵy naýryzben salystyrǵanda, ózgermedi jáne sharshy metrine 1156 251 teńgeni qurady. Jyl basynan bastap 0,1 paıyzǵa tómendedi.
Sáýirde abattandyrylǵan turǵyn úı úshin jalǵa alý quny naýryzben salystyrǵanda, 0,2 paıyzǵa, sharshy metrine 1290 teńgege tómendedi. Jyl basynan bastap jalǵa alý tólemi 0,8 paıyzǵa ósti.
