Jańa jabdyqtar jóndeýden ótken aýrýhanalarda ǵana ornatylady - Danıal Ahmetov
ÓSKEMEN. QazAqparat - Shyǵys Qazaqstan oblysynyń medıtsınalyq mekemeleri aqyly qyzmetter úshin 2,2 mlrd teńge aldy, dep habarlady «QazAqparat» HAA tilshisi.
Bul týraly búgin aýrýhanalardy jabdyqtaý, emdeý mekemelerine jóndeý jumystaryn júrgizý jáne medıtsına qyzmetkerleriniń jalaqy máselesi talqylanǵan oblys ákimdiginiń otyrysynda óńir basshysy Danıal Ahmetov aıtty.
Oblys ákimi medıtsına qyzmetkerleriniń jalaqysy ósip jatqanyna qýanyshty ekenin aıta kele, onymen bir mezgilde, shyǵyndar qarastyrylyp qoıǵanynaa qaramastan, birde-bir emhana ne aýrýhanada aǵymdaǵy jóndeý jumystary júrgizilmegenin atap ótti.
«Medıtsına salasy úshin 6 mlrd teńgege satyp alynatyn jańa jabdyq jóndeýden ótken ǵımarattarǵa ǵana ornatylady», - dep tapsyrdy ákim óńirdiń densaýlyq saqtaý salasynyń jetekshilerine. - Bıýdjet bul shyǵystardy kótere almaıtyndarǵa ǵana kómektesedi».
