Tabıǵattyń tosynsyıy: Jańa Zelandııaǵa qalyń qar jaýdy
ASTANA. KAZINFORM – Jańa Zelandııanyń birqatar óńirinde kún kúrt sýytyp, aıaz kúsheıdi. Eldiń Ońtústik aralynyń taýly jerleri men jotalaryn qar basty, dep habarlaıdy The Guardian.
Danıdın qalasyn qalyń qar japsa, Kraıstcherch qalasyndaǵy Port-Hılls jotasy aq kórpege orandy. Sýyq aýa raıy qar aralas jańbyr, burshaq jáne qatty muzdaı jelmen qatar júrip jatyr.
Vellıngton men eldiń taǵy birneshe óńirinde de aýa raıy kúrt sýytyp, qolaısyz jaǵdaı qalyptasty.
Jańa Zelandııanyń meteorologııalyq qyzmeti túnde aýa temperatýrasy odan ári tómendeıtinin eskertti. Sonyń saldarynan qatty úsik bolyp, joldarda kóktaıǵaqtyń paıda bolý qaýpi joǵary.
Buǵan deıin «El-Nıno» qubylysy 2026 jyldyń tamyz-qazan aılarynda kúsheıip, álemniń kóptegen óńirinde aýa temperatýrasynyń qalypty deńgeıden joǵarylaýyna jáne jaýyn-shashyn tártibiniń aıtarlyqtaı ózgerýine ákelýi múmkin ekenin habarlaǵanbyz.
Sondaı-aq BUU «El-Nıno» saldarynan taǵy 49 mln adam azyq-túlik tapshylyǵyna ushyraýy múmkin ekenin málimdedi.
