Jańa Zelandııadaǵy sý tasqynynan 4 adam kóz jumdy
ASTANA. QazAqparat – Jańa Zelandııanyń Soltústik aralynda tolassyz jaýǵan nóser saldarynan qaza tapqandar sany 4 adamǵa jetti, dep habarlaıdy QazAqparat euronews-ke silteme jasap.
Tórt kúnnen beri tolastamaǵan jaýynnyń saldarynan sý tasqyny boldy. Turǵyn úıler qırap, tasjoldar jabyldy. Eldiń 1,5 mln-nan astam halqy bar eń úlken qalasy Oklendte tótenshe jaǵdaı jarııalandy. Meteorologtar aımaqtaǵy aýa raıynyń seısenbige deıin qolaısyz bolatynyn, sý tasqyny qaıtalaný qaýpi bar ekenin eskertti.
Jergilikti bılik Jańa Zelandııada jaýyn-shashynnyń jıilep, qarqyndy bolýyna sebep – klımattyń ózgerýi ekenin aıtyp otyr.
Foto: Elizabeth Binning/New Zealand Herald
