Jańa Zelandııadaǵy sý tasqyny: myńdaǵan úılerdiń turǵyndary evakýatsııaǵa daıyndalýda
KENTERBERI. QazAqparat – Jańa Zelandııanyń iri Kenterberı óńirinde sý tasqyny qaýpinen myńdaǵan úılerdiń turǵyndary evakýatsııaǵa daıyndalýda, dep habarlaıdy QazAqparat Reuters agenttigine silteme jasap.
Búgin, jeksenbide sý tasqynyna arnalǵan brıfıng barysynda tótenshe jaǵdaılardy basqarý mınıstri Krıs Faafoı úsh myńǵa jýyq úıdiń sý tasqyny aýmaǵynda qalyp qoıýy múmkin ekenin aıtty. Al budan erterek Jańa Zelandııanyń meteorologııalyq qyzmeti Kenterberı óńiri jáne basqa aýdandarda jańbyrdyń qatty jaýýynan eń joǵary – qyzyl – qaýip deńgeıin jarııalaǵan bolatyn.
RNZ habar taratý korporatsııasynyń dereginshe, qutqarýshylar tasqyn sýlardyń kesirinen qursaýda qalǵan birneshe adamǵa kómek kórsetip úlgerdi. Tımarý jáne Eshberton qalalary jeti kúnge tótenshe jaǵdaı rejımin engizdi.
