Jańa Zelandııada júk kóligi mektep avtobýsyna soǵysty: 36 adam zardap shekti
ASTANA. 5 qyrkúıek. QazAqparat - Jańa Zelandııanyń Soltústik aralynda júk kóligi mektep avtobýsyna soǵysty,
dep habarlady Rosbalt.
Jergilikti polıtsııanyń habarlaýynsha, dep habarlady Qytaıdyń halyqaralyq radıosy, apat jergilikti ýaqyt boıynsha 15.30 saǵatta oryn aldy. Aǵash bóreneler artqan júk kóligi aldynda kele jatqan mektep avtobýsyna soǵyldy. Júk kóliginiń júrgizýshisi aýyr jaraqattar aldy.
Avtobýs ishinde eki orta mektep pen bir bastaýysh mekteptiń oqýshylary boldy. Jol-kólik apaty sadarynan 36 adam zardap shekti. Barlyq jaraqat alǵandar sanıtarlyq kóliktermen jáne tikushaqpen aýrýhanalarǵa jetkizildi. Bes oqýshynyń jaǵdaıy múshkil. Apattyń jaı-japsary anyqtalýda.
Eske sala ketsek, bıylǵy jyldyń maýsymynda Bavarııanyń Joǵarǵy Pfalts okrýgynda traktor men mektep avtobýsy soǵylysty. Jergilikti polıtsııanyń habarlaýynsha, traktor júrgizýshisi kele jatqan avtobýsty baıqamaı qalǵan.
Apat kezinde aýylsharýashylyq mashınasynyń aldynda kóń jınaıtyn asha bolyp, ol avtobýsty tolyqtaı tesip ótken.
Apat saldarynan tórt bala jaraqat aldy.
